समाचार
बालाजुमा सवारी दुर्घटना हुँदा एकको मृत्यु
Read Time : < 1 मिनेट
२०७६ श्रावण २९ बुधबार १५:३३:००
काठमाडौको बालाजुमा सवारी दुर्घटनामा एक जनाको मृत्यु भएको छ । बालाजु औद्योगिक क्षेत्र नजिक ना ४ ख १४७९ नम्बरको ट्रकको ठक्करबाट गम्भीर घाइते ललितपुरका ५५ वर्षीय उद्धव सुनाम नेपालीको बुधबार मृत्यु भएको हो ।
महानगरीय ट्राफिक प्रहरी प्रभाग नयाँ बसपार्कका प्रहरी निरीक्षक मुनेन्द्र थापाले ट्रक पछाडि सार्न खोज्दा पछिल्लो चक्काले किचेर गम्भीर घाइते भएका नेपालीको उपचारका अस्पतालमा मृत्यु भएको जानकारी दिए ।
दुर्घटनामा संलग्न ट्रक र चालकलाई प्रहरीले नियन्त्रणमा लिएको छ ।