अन्तराष्ट्रिय क्रिकेट परिषद (आईसीसी) को टि-ट्वान्टी विश्वकपका लागि एसिया क्षेत्र छनौटअन्तर्गतको खेलमा नेपालले कतारलाई १ सय २३ रनको लक्ष्य दिएको छ ।
सिंगापुरमा जारी खेलमा टस जितेर पहिले ब्याटिङ रोजेको नेपालले २० ओभरमा सबै विकेट गुमाएर १ सय २२ रन बनाएको हो । नेपालका लागि दिपेन्द्रसिंह ऐरीले ३५ बल खेल्दै सर्वाधिक ३४ रन बनाए । त्यसैगरी कप्तान पारस खड्काले २८ र उपकप्तान ज्ञानेन्द्र मल्लले २३ रन बनाए ।