Skip This
संसदीय सुनुवाइ समितिले विभिन्न १३ देशका लागि सरकारले सिफारिस गरेका राजदूतविरुद्ध उजुरी आह्वान गरेको छ। प्रस्तावित राजदूत नियुक्तिका लागि उपयुक्त नभएको लागेमा आधार र प्रमाणसहित उजुरी दिन समितिले आग्रह गरेको हो।
सूचना प्रकाशित भएको मितिले १० दिनभित्र संघीय संसद् सचिवालय वा सम्बन्धित जिल्ला प्रशासन कार्यालयमा उजुरी दिन सकिनेछ। उजुरीमा प्रस्तावित राजदूतको नाम, ठेगाना, पद र उजुरीको स्पष्ट आधार खुलाउनुपर्ने समितिले जनाएको छ।
सरकारले भारत, चीन, अमेरिका, बेलायत, जर्मनी, इजरायल, स्पेन, जापान, ओमान, मलेसिया, दक्षिण कोरिया, श्रीलंका र साउदी अरेबियाका लागि राजदूत सिफारिस गरेको छ। सुनुवाइपछि नियुक्ति प्रक्रिया अघि बढ्नेछ।
