- वि.सं २o८३ भदौ १७ बुधबार
सिराहाको सलहेस युथ क्लबले चौथो अन्तर्राष्ट्रिय आमन्त्रण ताप्लेजुङ गोल्डकप फुटबल प्रतियोगिताको फाइनल स्थान पक्का गरेको छ । सलहेसले भारतको जर्जियन युनाइटेड फुटबल क्लब कालिम्पोङलाई २–० ले पराजित गर्दै उपाधिनजिक पुगेको हो ।
प्रतियोगिताको पहिलो सेमिफाइनलमा मंगलबार साबिक सलहेसले दुवै गोल दोस्रो हाफपछि गरेको थियो । खेलको ६२औँ मिनेटमा निसकुमार श्रेष्ठले सलहेसलाई १–० को अग्रता दिलाए । सलहेसका लागि ७२औँ मिनेटमा फागुराम थारूले दोस्रो गोल गरे ।
त्यसपछि जर्जियन युनाइटेडले गोल फर्काउन गरेको प्रयास असफल भए । प्रतियोगिताको बुधबार दोस्रो सेमिफाइनलमा फिदिम स्पोर्टिङ क्लब पाँचथर र झापा ११ फुटबल क्लबबिच खेल हुनेछ ।
विजेताले सात लाख दुई हजार र उपविजेताले तीन लाख ५२ हजार रुपैयाँ पाउनेछन् । प्रतियोगिताको सर्वोत्कृष्ट खेलाडीलाई मोटरसाइकल पुरस्कार प्रदान गरिनेछ ।
