- वि.सं २o८१ चैत १९ मंगलबार
नेपाल विद्युत् प्राधिकरणको अनबन्डलिङ नीतिअन्तर्गत गठन गरिएको राष्ट्रिय प्रसारण ग्रिड कम्पनी लिमिटेडको प्रमुख कार्यकारी अधिकृत (सिइओ)मा इन्जिनियर सागर श्रेष्ठ नियुक्त भएका छन् ।
खुला प्रतिस्पर्धाबाट छनोट भएका श्रेष्ठलाई कम्पनीको सञ्चालक समितिले सोमबारको बैठकबाट चार वर्षका लागि नियुक्त गर्ने निर्णय गरेको हो । श्रेष्ठले भारतको आइआइटी रुडकी विश्वविद्यालयबाट स्नातकोत्तर गरेका छन् । हाल ग्रिड कम्पनीसँग करिब एक सय १० अर्ब रुपैयाँबराबरको ११ वटा परियोजनाको पोर्टफोलियो छ ।
