Skip This
काठमाडौं प्रहरीको प्रमुखमा एसएसपी विश्व अधिकारीको सरुवा भएको छ । उनी यसअघि प्रहरी महानिरीक्षकको सचिवालयमा कार्यरत थिए।
एसएसपीमा आफ्नो ब्याचबाट पहिलो नम्बरमा बढुवा भएका अधिकारीको एसएसपीमा यो पहिलो इन्चार्ज हो। नेपाल प्रहरीको ‘प्रहरी मेरो साथी’ नाराका उनी अवधारणाकर्ता हुन्।
त्यस्तै, काठमाडौं उपत्यका अपराध अनुसन्धान कार्यालयको प्रमुखमा एसएसपी रमेश बस्नेतलाई सरुवा गरिएको छ ।
काठमाडौं परिसरका एसएसपी बसन्त रजौरे र अपराध अनुसन्धान कार्यालयका सानुराम भट्टराईको प्रहरी प्रधान कार्यालयमा सरुवा भएको छ।
मानव बेचबिखन अनुसन्धान ब्यूरोमा एसएसपी दिपेन्द्र जिसीलाई पठाइएको छ।
गृह मन्त्रालयले शुक्रबार १८ एसएसपीको सरुवा गरी हालै बढुवा भएका २५ एसएसपीको पदस्थापन गरेको हो।
