- वि.सं २o८१ पौष २० शनिबार
आर्थिक अभावका कारण बोनम्यारो क्यान्सरबाट पीडित छ वर्षीया बालिकाको उपचारमा समस्या भएको छ । बोनम्यारो क्यान्सरबाट पीडित भएकी कपिलवस्तुको बाणगंगा नगरपालिका-९ भर्तापुरकी छ वर्षीया बालिका माहिरा विश्वकर्मा करिव ६ महिनादेखि यस रोगसँग लडिरहेकी छिन् ।
उनको अहिले काठमाडौंको पाटन अस्पतालमा उपचार भइरहेको छ । परिवारको आर्थिक अवस्था कमजोर भएकाले बालिकाको थप उपचारमा आर्थिक अभाव भएको छ । आर्थिक अभाव भएपछि उनकाे थप उपचारमा समस्या भएको परिवारको भनाई छ ।
उपचारका क्रममा दिनहुँ जसो रगत दिनुपर्ने र थप उपचारका लागि जतिसक्दो छिटो भारत लगेर बोनम्यारो ट्रान्सप्लान्ट गर्न चिकित्सकले सुझाव दिएका छन् ।चिकित्सकको सुझाव मान्नको लागि उनको परिवारमा आर्थिक अभाव भएको छ । आर्थिक अभावका कारण बोनम्यारो ट्रान्सप्लान्ट हुन सकेको छैन ।
उनका बाबु आमाले छोरीको जीवन रक्षाको लागी सबै नेपाली दाजुभाइ दिदीबहिनीसँग आर्थिक सहयोगको अपिल गरेका छन् । बालिकाको उपचारमा आर्थिक सहयोग गर्न चाहने इच्छुक महानुभावहरूले बालिकाको आमा रुपा सुनारको नाममा रहेको एनआईसी एसिया बैंकको खाता नं. २५६५७५१४९६३८५००१ मा आर्थिक सहयोग प्रदान गर्न सक्नु हुने छ । साथै परिवारसँग थप जानकारी लिनको लागि ९८६६५६३८१४ मा सम्पर्क गर्न सकिने बालिकाका बाबुआमाले बताएका छन् ।
