- वि.सं २o८१ पौष ५ शुक्रबार
नेपाल प्रहरीका दुई प्रहरी नायब महानिरीक्षक (डिआइजी) प्रहरी अतिरिक्त महानिरीक्षक (एआइजी) मा बढुवा भएका छन् । मन्त्रिपरिषद्को शुक्रबार बसेको बैठकले डिआइजीहरू दुर्गा सिंह र भरतबहादुर बोहरालाई एआइजीमा बढुवा गर्ने निर्णय गरेको हो ।
यसअघि, गत शुक्रबार बढुवा सिफारिस समितिले प्रहरी नियमावली, २०७१ को नियम २७ को उपनियम (४) अनुसार बढुवाका लागि डिआइजीद्वयको नाम सिफारिस गरेको थियो । एआइजी भीमप्रसाद ढकाल र केदार ढकालको अवकाशपछि रिक्त पदमा उनीहरूलाई बढुवा गरिएको हो ।
