- वि.सं २o८१ पौष ५ शुक्रबार
आपराधिक लाभ मुद्दामा थुनामा रहेका मेडिकल व्यवसायी दुर्गा प्रसाईंलाई थुनामुक्त गर्न सर्वाेच्च अदालतले आदेश दिएको छ । आफूलाई गैरकानुनी रूपमा थुनामा राखिएको भन्दै प्रसाईंले दायर गरेको बन्दी प्रत्यक्षीकरणको रिटमा सर्वाेच्चले शुक्रबार यस्तो आदेश दिएको हो ।
सर्वाेच्चका प्रवक्ता अच्युत कुइँकेलका अनुसार धरौटी वा तारेखमा राखेर अनुसन्धान गर्न आदेश भएको छ ।
भारतीय आपराधिक समूहको नाममा फोन गरेर व्यवसायीलाई धम्क्याएर पैसा असुल्न खोजेको घटनामा प्रसाईंलाई सिआइबीले थुनामा राखी अनुसन्धान गरिरहेको छ । सर्वाेच्चका न्यायाधीशद्वय नहकुल सुवेदी र सारंगा सुवेदीको इजलासबाट बन्दी प्रत्यक्षीकरणको रिट जारी हुने आदेश भएको हो।
यसअघि साइबर अपराध मुद्दामा जिल्ला अदालतले उनलाई ५० हजार रुपैयाँ धरौटीमा छाड्ने आदेश दिएको थियाे।
