- वि.सं २o८१ पौष ५ शुक्रबार
काठमाडौं फोटोग्राफर संघले यही पुस १२ गते राष्ट्रिय नाचघर जमलमा एक कार्यक्रमसँगै वेडिङ फोटो अवार्ड २०२४ आयोजना गर्ने भएको छ । विभिन्न जिल्लामा भव्य रूपमा प्रचार–प्रसारका तथा क्याम्पेनिङ कार्यक्रम सम्पन्न गर्दै संघले वेडिङ फोटो अवार्डका लागि फोटो प्राप्त गरिसकेको काठमाडौं फोटोग्राफर संघका अध्यक्ष हरिप्रसाद घिमिरेले बताए ।
साथै उनले नेपाली विवाह फोटोग्राफीलाई अन्तर्राष्ट्रिय स्तरमा स्थापित गर्दै नेपाली फोटोग्राफीलाई नयाँ उचाइमा पुर्याउने उद्देश्यका साथ फोटोग्राफरहरूको मिहिनेतलाई सम्मान र देशभरका प्रतिभावान फोटोग्राफरहरूको योगदानलाई उजागर गर्न यो कार्यक्रम आयोजना गर्न लागेको बताए ।
