घुस मुद्दामा असइलाई सफाइ दिने विशेषको अदालतको फैसलाविरुद्ध  अख्तियार सर्वोच्चमा

रंगेहात घुस मुद्दाका आरोपीलाई बिशेष अदालतले सफाइ दिएपछि   अख्तियार दुरुपयोग अनुसन्धान आयोगलेफैसला चित्त नबुझेको भन्दै सर्वोच्च अदालतमा पुनरावेदन गरेको छ । 

    अनुसार प्रहरी चौकी खडैया बाँकेका तत्कालिन इञ्चार्ज प्रहरी सहायक निरीक्षक(असइ) गजेन्द्रसिंह भण्डारी विरुद्धको मुद्दामा विशेष अदालतले गत वैशाख १३ को फैसलाबाट सफाइ दिएको थियो । सो सफाइप्रति आयोगलाई चित्त नबुझेको पुनरावेदनमा जाने निर्णय गरिएको आयोगका प्रवक्ता नरहरि घिमिरेले बताए । आयोगले ८ हजार घूससहित उनलाई पक्राउ गरी मुद्दा दायर गरेको थियो । 

    यस्तै, आयोगले घूससहित पक्राउ गरेका प्रतिवादी हरिचन्द्र भुसालसमेतको मुद्दामा विशेष अदालतले गरेको फैसलामा चित्त नबुझेको भन्दै सर्वोच्चमा पुनरावेदन गरेको छ । सो मुद्दामा विशेषले गत जेठ १३ गते फैसला गरेको थियो । प्रतिवादीले गैरकानुनी रूपमा घूस लिने गरेको विषयलाई अदाललते समेत स्वीकार गरी सुमनकान्त ठाकुरसमेतलाई कसुरदार ठहर गरी फैसला गरेको भए पनि हरिचन्द्र भुसाललगायतलाई भने सफाइ दिएको थियो । सफाइ दिँदा लिएको आधारप्रति असन्तुष्टि जनाउँदै आयोगले शुक्रबार सर्वोच्च अदालतमा पुनरावेदन गरेको हो।