- वि.सं २o८१ पौष ११ बिहीबार
नेपाली सेनाले गैँडाको खाग तस्करीको आशंकामा मकवानपुरमा पाँच राउन्ड गोली चलाएर एकजनालाई नियन्त्रणमा लिएको छ । बिहीबार मध्याह्न हेटौँडा उपमहानगरपालिका– ८ को गर्दौईमा चितवन राष्ट्रिय निकुञ्ज र नेपाली सेनाको टोलीले पाँच राउन्ड हवाई फायर गरेका हुन् ।
जिल्ला प्रहरी कार्यालय मकवानपुरका प्रहरी निरीक्षक ठाकुर सापकोटाका अनुसार सेनाले एकजनालाई नियन्त्रणमा लिएको छ । सेनाले नियन्त्रणमा लिएका व्यक्तिको परिचय खुलाइएको छैन ।
‘बिहीबार मध्याह्न पाँच राउन्ड हवाई फायर भएको हो । सेनाले एकजनालाई नियन्त्रणमा लिएको छ,’ प्रहरी निरीक्षक सापकोटाले भने । नेपाली सेनाका प्रवक्तासमेत रहेका सहायक रथि गौरव केसीले घटनाबारे विवरण लिने काम भइरहेको जानकारी दिए ।
