- वि.सं २o८१ मङ्सिर १२ बुधबार
एनपिएलको फ्रेन्चाइज टिम चितवन राइनोजले आफ्नो खेल हुने दिनमा चितवनका समर्थकलाई चितवनदेखि काठमाडौंसम्म निःशुल्क बससेवाको व्यवस्था गर्ने भएको छ ।
चितवन राइनोजले दिएको जानकारीअनुसार चितवनको खेल हुने दिन बिहान ३ बजे प्रस्थान गर्ने गरी पाँचवटा बसको व्यवस्था मिलाइनेछ । बस चितवनको चितवन मेडिकल कलेज (सिएमसी)बाट छुट्ने छन् भने समर्थकहरूलाई टियू मैदानसम्म ल्याउनेछ । खेलपछि फर्कने व्यवस्था पनि हुनेछ ।
यो सेवा लिनका लागि चितवनको खेलको टिकट काटिसकेको हुनुपर्नेछ । खाजाको पनि व्यवस्था गरिने जनाइएको छ । चितवनले आफ्नो पहिलो खेल मंसिर १७ गते काठमाडौं गुर्खाजसँग खेल्नेछ ।
