- वि.सं २o८१ असोज २४ बिहीबार
नेपाल बैंक लिमिटेडमा कार्यरत कर्मचारी र बैंकमा खाता रहेका ग्राहकले समाज डेन्टल अस्पतालका विभिन्न स्थानमा रहेका क्लिनिकमा उपचार गर्दा १५ प्रतिशतसम्म छुट पाउने भएका छन् ।
यसका लागि बैंक र अस्पतालबिच सम्झौता भएको हो । सम्झौताअनुसार अस्पतालको विविध सेवाशुल्कमा लाग्ने शुल्कमा बैंकका कर्मचारीलाई विल रकमको १५ प्रतिशत र बैंकका ग्राहकलाई १० प्रतिशतले छुट हुने भएको छ ।
यसबाट बैंकमा कार्यरत कर्मचारी र बैंकका ग्राहकले काठमाडौंस्थित नयाँबानेश्वर, वसुन्धरा, पेप्सीकोला, जोरपाटी, सीतापाइला, भक्तपुरस्थित कौशलटार, ललितपुरस्थित जावलाखेल, इमाडोल र काभ्रेपलाञ्चोकस्थित बनेपामा रहेका समाज डेन्टल अस्पतालका क्लिनिकले प्रदान गर्ने दन्त र मुखसँग सम्बन्धित उपचार सेवा लिन सक्ने छन् ।
