धान खेतमा लगाइएको करेन्ट लागेर बारामा आइतबार बिहान एउटा जंगली हात्तीको मृत्यु भएको छ ।
कोल्हबी नगरपालिका– २ पर्सा कुनामा धानको खेतमा विद्युतीय तार लगाएर करेन्ट छोडिएको थियो । सुँडले तारमा छुँदा करेन्ट लागेर हात्तीको मृत्यु भएको कोल्हबी सबडिभिजन वन कार्यालयका प्रमुख अब्दुल करिमले जानकारी दिए ।
हात्ती गाउँनजिकैको धान खेतमा मृत फेला परेको छ । करेन्ट लागेर मृत्यु भएकाे हात्ती हेर्नेको भिड लागेको छ।