Read Time : < 1 मिनेट
२o८१ असार १९ बुधबार १२:o८:oo
कांग्रेस कार्यसम्पादन समितिको बैठक सकिएको छ । पार्टी सभापति शेरबहादुर देउवानिवास बुढानीलकण्ठमा बुधबार बिहान बसेको बैठकले एमालेसँगको सहमतिलाई अनुमोदन गरेको छ ।
साथै पहिलो कार्यकालमा एमाले अध्यक्ष ओलीलाई समर्थन गर्ने निर्णय गरेको छ। त्यस्तै, कांग्रेसले प्रधानमन्त्री पुष्पकमल दाहाल प्रचण्डलाई राजीनामा दिन आग्रह गर्ने निर्णयसमेत गरेको छ ।
प्रधानमन्त्रीले राजीनामा दिएर मार्गप्रशस्त गर्नुपर्ने बैठकपछि प्रवक्ता डा. प्रकाशसरण महतले जानकारी दिए ।