Read Time : < 1 मिनेट
२o८१ असार ११ मंगलबार १o:३५:oo
आगामी आर्थिक वर्षको बजेट (विनियोजन विधेयक) आज पारित हुँदै छ ।प्रतिनिधिसभामा परराष्ट्र मन्त्रालय र प्रधानमन्त्री कार्यालयको विनियोजन शीर्षकमा छलफल सकिएपछि विनियोजन विधेयकलाई निर्णयार्थ प्रस्तुत गर्ने कार्यसूची छ ।
बजेट पारित हुने भएपछि दलहरूले ह्विप जारी गरेका छन्। एमाले संसदीय दलले अनिवार्य उपस्थित हुन सांसदहरूलाई निर्देशन दिएको छ ।
‘आज बस्ने प्रतिनिधिसभा बैठकमा आव ०८१/८२ को बजेटलाई निर्णयार्थ पेस गर्ने कार्यसूची रहेकोले बैठकमा अनिवार्य उपस्थिति भई बजेटको पक्षमा मतदान गर्न नेकपा एमालेका सांसदलाई ह्विप जारी गरिएको जानकारी गराउँदछु,’ प्रमुख सचेतक महेश बर्तौलाले भनेका छन् ।