राष्ट्रिय सभा उपाध्यक्षमा विष्णुदेवी पुडासैनीलाई उम्मेदवार बनाउने कांग्रेसले निर्णय गरेको छ । आज बसेको कांग्रेस संसदीय दल कार्यसमितिको बैठकले राष्ट्रिय सभा उपाध्यक्षमा विष्णुदेवी पुडासैनीलाई उमेदवार बनाउने निर्णय गरेको हो ।
मंगलबार राष्ट्रिय सभा उपाध्यक्षको निर्वाचन मनोनयन र बुधबार चुनाव हुँदै छ । यसैगरी, एमालेले राष्ट्रिय सभा उपाध्यक्षमा शीर्ष तहमा भएको समझदारीअनुसार सांसद विमला घिमिरेलाई उम्मेदवार बनाउने घोषणा गरिसकेको छ ।