- वि.सं २o८o फाल्गुण ३० बुधबार
एकनाले भरुवा बन्दुक साथमा लिएर लुकिछिपी बस्दै आएका मन्थली नगरपालिका– ११ का एक युवकलाई प्रहरीले पक्राउ गरेको छ । पक्राउ पर्नेमा मन्थली नगरपालिका– ११ गेलुस्थित काउलेका ४२ वर्षीय कुमार तामाङ रहेका छन् ।
भरुवा बन्दुकसहित तामाङ मन्थली नगरपालिका– १३ फुलासीमा पर्ने घ्याङडाँडा सामुदायिक जंगलमा लुकिछिपी बसेको भन्ने सूचनाको आधारमा प्रहरी चौकी फुलासी पोखरीडाँडाबाट खटिएको प्रहरी टोलीले भरुवा बन्दुकसहित तामाङलाई सोमबार साँझ पक्राउ गरेको हो ।
हाल उनलाई जिल्ला प्रहरी कार्यालयको हिरासतमा राखी सात दिनको म्याद थप गरेर अनुसन्धान प्रक्रिया अघि बढाइएको जिल्ला प्रहरी कार्यालय रामेछापका प्रवक्ता रञ्जन गिरीले जानकारी दिए ।
