नेपालका लागि सेरेस इभीको आधिकारिक विक्रेता एमएडब्लू वृद्धि अटोकर्पले नक्सालमा नयाँ स्टेट द अफ आर्ट सोरुम सञ्चालनमा ल्याएको छ ।
सेरेसका डेपुटी जनरल म्यानेजर जिया झिउ र एमएडब्लू ग्रुप अफ कम्पनिजका प्रबन्ध निर्देशक विष्णुकुमार अग्रवालले सेरेसका प्रतिनिधि जुन सी र यी पांगलगायतको उपस्थितिमा बिहीबार आयोजित नयाँ सोरुम उद्घाटन गरिएको छ । सेरेस–३ समुद्री सतहबाट चार हजार ६ सय ६० मिटर उचाइमा अवस्थित कोरोला पास पुग्ने पहिलो इलेक्ट्रिक एसयुभी हो ।
काठमाडौंको मुटुमा अवस्थित नयाँ सोरुमले ग्राहकलाई सेरेस इलेक्ट्रिक भेहिकलले संसारको आभास दिलाउनेछ । ग्राहक अनुभवलाई केन्द्रमा राखी डिजाइन गरिएको यो सोरुममा विशाल एलइडी डिस्प्ले, सेरेसका पछिल्ला इभी मोडल र परामर्श र टेस्ट ड्राइभका लागि अनुभवी सेल्स टिम हुनेछ ।
सेरेसले यसअघि नै काठमाडौं उपत्यकाभित्र पानीपोखरी र ललितपुर तथा काठमाडौंबाहिर पोखरा र बुटवल डिलर सञ्जाल विस्तार गरिसकेको छ ।