मुख्य समाचारफ्रन्ट पेजसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २०८० चैत ३० शुक्रबार
  • Friday, 12 April, 2024
२०८० माघ २२ सोमबार १८:१३:००
Read Time : < 1 मिनेट
मुख्य समाचार डिजिटल संस्करण

एमालेलाई पूर्ण बहुमतले जिताएर स्थिर सरकार बनाउन मिसन ८४ : अध्यक्ष ओली

Read Time : < 1 मिनेट
२०८० माघ २२ सोमबार १८:१३:००

३० वर्षपछि महोत्तरी सदरमुकाम जलेश्वर आएका पूर्वप्रधानमन्त्री एवं नेकपा एमालेका अध्यक्ष केपी शर्मा ओलीले आफू मिसन ८४ लिएर जलेश्वर आएको बताएका छन्।

आगामी निर्वाचनमा एमालेलाई पूर्ण बहुमतका साथ जिताएर स्थिर सरकार बनाउन एमालेले ‘मिसन ८४’ सुरु गरेको ओलीको भनाइ थियो। एमाले महोत्तरीको छैठौँ जिल्ला अधिवेशनको खुला सत्रलाई सम्बोधन गर्दै उनले यस्तो बताएका हुन्।

एमालेको सरकार हुँदा देशमा सडक, हवाई, रेललगायतको विकास द्रुत गतिमा भएको जिकिर गर्दै उनले वर्तमान सरकारले एमाले सरकारबाट सुरु गरिएका कामसमेत पूरा गर्न नसकेको आरोप लगाए। देशमा विकासको लागि एमालेको विकल्प गठबन्धन सरकार हुनै नसक्ने उनको दाबी छ।

अध्यक्ष ओलीले छिमेकीहरूसँग समेत शिर उठाएर गठबन्धन सरकार कुरा गर्न सक्ने अवस्थामा नरहेको भन्दै देश गलत व्यक्तिहरूको हातमा गएको आरोप लगाए। एमाले गरिब र निमुखा जनताको पार्टी भएको भन्दै उनले आगामी निर्वाचनमा एमालेलाई कम्तीमा ५१ प्रतिशत मतदान गर्न अनुरोध गरे।

कार्यक्रमस्थलमा पुग्नुअघि अध्यक्ष ओलीले जलेश्वरनाथ दर्शन गरी पार्टी जिल्ला कार्यालयको शिलान्यास गरेका थिए।