- वि.सं २o८o माघ २ मंगलबार
ग्लोबल आइएमई बैंक लिमिटेडले आफ्नो १७औँ वार्षिकोत्सवको अवसरमा कोशी प्रदेशमा निःशुल्क स्वास्थ्य शिविर सञ्चालन गरेको छ । इलाम जिल्ला इलाम नगरपालिका वडा नं ४ स्थित मलाटे आधारभूत स्वास्थ्य चौकीमा आयोजित शिविरबाट एक सय ६० भन्दा बढी महिलाले लाभ लिएको बताइएको छ ।
बैंकले नेपाल परिवार नियोजन संघसँगको सहकार्यमा सञ्चालित उक्त शिविरमा स्त्रीरोगविज्ञले स्त्रीरोगसम्बन्धी विभिन्न सेवा निःशुल्क रूपमा उपलब्ध गराएको हो । यससँगै सातै प्रदेशमा शिविर सञ्चालन गरी एक हजार दुई सय ५० भन्दा बढी महिलाको स्वास्थ्य चेकजाँच गरी सेवा उपलब्ध गराएको बैंकले जनाएको छ ।
बैंकले ७७ वटै जिल्ला तथा तीन अन्तर्राष्ट्रिय सम्पर्क–वैदेशिक प्रतिनिधि कार्यालयसहित एक हजार एक सयभन्दा बढी सेवाकेन्द्रबाट बैंकिङ सेवा प्रदान गर्दै आएको छ ।
