- वि.सं २o८o पौष २५ बुधबार
काठमाडौंस्थित एसएस फाउन्डेसनले ज्येष्ठ नागरिक, एकल महिला र बालबालिकाहरूलाई न्यानो लुगा वितरण गरेको छ।
बढ्दो जाडोबाट असहायहरूलाई जोगाउने योजनासहित फाउन्डेसनले बुधबार न्यानो लुगा बाँडेको हो। कालिमाटीस्थित डिभाइन पार्टी प्यालेसमा पालिजाः स्वाँ नेवाः पुचःको आयोजनामा न्यानो लुगा वितरण गरिएको हो।
फाउन्डेसनको सहयोगमा कालिमाटीमा एक सय ६१ जना बालबालिका, एकल महिला र वृद्धवृद्धालाई राष्ट्रिय प्रजातन्त्र पार्टीका वरिष्ठ नेता पशुपतिशम्शेर राणाले ती न्यानो लुगा वितरण गरेका हुन्।
