एमाले सचिवालय बैठक सुरु भएको छ । च्यासलस्थित पार्टी केन्द्रीय कार्यालयमा बैठक बसिरहेको छ ।
बैठकमा राष्ट्रिय सभाको आसन्न निर्वाचनमा पार्टीका उम्मेदवार चयन, निर्वाचनबारे सत्तागठबन्धनसँग भइरहेको वार्तालगायतका विषयमा छलफल चलिरहेको नेताहरूले बताएका छन् ।
यस्तै, बैठकमा केन्द्रीय कमिटीको आसन्न बैठकबारे पनि छलफल हुने बताइएको छ ।
१९ सदस्यका लागि हुन लागेको राष्ट्रिय सभा निर्वाचनमा सत्तागठबन्धनसँग स्पष्ट बहुमत छ । एमालेले टिआरसी विधेयकमा सहयोग गर्ने सर्तमा ६ सिट मागेको विषय पनि बैठकको एजेन्डा छ ।