- वि.सं २o८o पौष ७ शनिबार
एनआइसी एसिया लघुवित्त वित्तीय संस्था लिमिटेडको १५ प्रतिशत लाभांश वितरण गर्ने प्रस्ताव पारित भएको छ । संस्थाको छैटाैँ साधारणसभाले २६ करोड नौ लाख १६ हजार रुपैयाँबराबरको कर प्रयोजनसहित नगद लाभांश वितरण गर्ने प्रस्ताव पारित गरेको हो ।
धरानमा आयोजना भएको साधारणसभाले विभिन्न एजेन्डासहित संस्थाको आर्थिक वर्ष ०७९/८० को सञ्चालक समितिको प्रतिवेदन, असार मसान्त ०८० को वासलात, नाफा–नोक्सान हिसाब र नगद प्रवाह विवरणलगायत वार्षिक आर्थिक विवरणसँग सम्बन्धित अनुसूचीहरूसमेत वार्षिक आर्थिक विवरण पारित गरेको जनाइएको छ ।
त्यस्तै, साधारणसभाले संस्थापक एनआइसी एसिया बैंक लिमिटेडको तर्फबाट मनोनीत भई प्रतिनिधित्व गरेका दीपक ढकाललाई निर्विरोध सञ्चालकमा चयन गरेको जनाइएको छ । नवनियुक्त सञ्चालक ढकालले संस्थाका अध्यक्ष सन्तोषकुमार राठीसमक्ष शपथग्रहण गरी आफ्नो पदबहाल गरेको संस्थाले जनाएको छ ।
