त्रिवि शिक्षण अस्पताल लाइनमा रहेका औषधि पसलमा काठमाडौं महानगरको टोलीले अनुगमन गरेको छ।
बुधबार अनुगमनका लागि गएकाे महानगरको टोलीले दर्ताविना सञ्चालनमा रहेकालाई औषधि पसल बन्द गर्न निर्देशन दिएको छ।
महानगरले केही समयअघि वीर अस्पतालनजिक सञ्चालन गरिएका औषधि पसलमा अनुगमन गरी मापदण्डविपरीत चलेका पसल बन्द गर्न निर्देशन दिएको छ।
महानगरले यसै साता मात्रै काठमाडौं महानगरमा मापदण्डसहित औषधि पसल सञ्चालनका लागि १० दिने सूचना जारी गरेको छ।