एमाले जिल्ला कमिटी जुम्लाको अध्यक्षमा शान्तिलाल महत विजयी भएका छन् । एमाले जुम्लाको नवौँ जिल्ला अधिवेशनमा अध्यक्ष पदका लागि वर्तमान अध्यक्ष शान्तिलाल महत र नेता धीरेन्द्रराज गिरीबीच भिडन्त भएको थियो ।
महतले एक सय ९४ मत प्राप्त गरी विजयी भए । उनका प्रतिस्पर्धी धीरेन्द्रराज गिरीले एक सय ३५ मत प्राप्त गरे । अधिवेशनमा कुल तीन सय ३४ जना प्रतिनिधि छानिएका थिए । जसमध्ये तीन सय २९ मत खसेको थियो ।
उपाध्यक्षमा प्रेमबहादुर बुढाले एक सय ८७ मत प्राप्त गरी विजयी भए । उनका प्रतिस्पर्धी पदम बुढालएक सय १३८ मत प्राप्त गरे । सचिवमा मानबहादुर रोकाया विजयी भएका छन् । रोकायाले एक सय ७९ मत प्राप्त गरे । उनका प्रतिस्पर्धी आदिप्रसाद न्यौपानेले एक सय ४१ मत प्राप्त गरेका छन् ।
यसैगरी, उपसचिवमा धनबहादुर बुढाले एक सय ७९ मत प्राप्त गरी विजयी भएका छन् । उनका प्रतिस्पर्धी धर्मेन्द्र रोकायाले एक सय ४१ प्राप्त गरे। महिला उपसचिवमा मेनका रेग्मी एक सय ७४ मत प्राप्त गरी विजयी भएकी छिन् । उनकी प्रतिस्पर्धी सुशीला भट्टराईले एक सय आठ मत प्राप्त गरेकी छिन् ।