- वि.सं २o८o पौष २ सोमबार
मकवानपुरको मनहरीमा जंगली हात्तीले आइतबार राति एउटा घर र गोठमा क्षति पुर्याएको छ । जिल्ला प्रहरी कार्यालय मकवानपुरले दिएको जानकारीअनुसार मनहरी गाउँपालिका– ८ सिम्पानीमा जंगली हात्तीले एउटा घरमा पूर्ण रूपमा क्षति पुर्याएको छ भने एउटा गोठमा आंशिक रूपमा क्षति पुर्याएको छ ।
हात्तीले स्थानीय टल्के चेपाङको ढुंगामाटो र जस्ताले बनेको एकतले घरमा आक्रमण गरेर भत्काइदिएको छ । यस्तै, स्थानीय रामबहादुर तामाङको गोठमा आंशिक क्षति पुर्याएको छ । मकवानपुर प्रहरी प्रवक्ता एवं डिएसपी लक्ष्मी भण्डारीका अनुसार जंगली हात्तीको आक्रमणबाट मानवीय क्षति भने भएको छैन ।
हात्तीले आक्रमण गरेपछि प्रहरी, नेपाली सेना र स्थानीयको सहयोगमा हात्तीलाई जंगलतर्फ धपाइएको प्रहरी प्रवक्ता भण्डारीले जानकारी दिए ।
2022-09-29-12-22-58.jpeg)
