- वि.सं २o८१ जेठ ४ शुक्रबार
नेपाली कांग्रेसका महामन्त्री गगनकुमार थापाले राष्ट्रिय दलहरूले चुनावअगाडि गठबन्धन गर्न नमिल्ने गरी निर्वाचन कानुन संशोधन गर्नुपर्ने बताएका छन्।
नेपाली कांग्रेस पर्वत क्षेत्र नं १ प्रदेश सभा (क)को क्षेत्रीय सम्मेलनलाई सम्बोधन गर्दै थापाले ठूला दलले नै निर्वाचन कानुन संशोधनको प्रस्ताव अघि सार्नुपर्ने धारणा राखे।
‘नेकपा एमालेलगायत दलका नेताहरूले पनि यही प्रस्ताव राखेको मैले देखेको छु,’ महामन्त्री थापाले भने, ‘सबै मिलेर गठबन्धन गर्ने कानुन संशोधन गरौँ। ०८४ मा एक्लाएक्लै लडौँ।’
निर्वाचनपछि गठबन्धन गरे पनि अगाडि भने त्यसका सबै ढोका बन्द गर्नुपर्ने उनको भनाइ छ। थापाले अबको निर्वाचनमा कांग्रेस एक्लै होमिने दाबी गर्दै कार्यकर्तालाई सोहीअनुसार संगठन सुदृढीकरणमा लाग्न आग्रह गरे।
2024-05-16-05-25-32.jpeg)
