नवरात्रको सातौँ दिन सप्तमीका अवसरमा आज नेपाली सेनाले सैनिक मञ्च टुँडिखेलमा फूलपाती बढाइँ गरेको छ ।
फूलपाती बढाइँका अवसरमा विशेष समारोह आयोजना गरिएको थियो । समारोहमा राष्ट्रपति रामचन्द्र पौडेल, उपराष्ट्रपति रामसहायप्रसाद यादव, प्रधानमन्त्री पुष्पकमल दाहाल प्रचण्ड, उपप्रधानमन्त्री एवं रक्षामन्त्री पूर्णबहादुर खड्कालगायत मन्त्रीहरू, विभिन्न संवैधानिक अंगका पदाधिकारी, नेपाली सेनाका अधिकृतलगायत सहभागी थिए ।
समारोहमा नेपाली सेनाले विभिन्न प्रस्तुति देखाएको थियो । साथै, नेपाली सेनाले राइफल र तोपको मार्चपास देखाएको थियो भने हेलिकोप्टरबाट पुष्पवृष्टि गरिएको थियो ।
सैनिकमञ्च टुँडिखेलका दृश्यलाई नयाँ पत्रिकाका क्यामेरापर्सन अमुल थापाले यसरी कैद गरेका छन् ।