- वि.सं २o८१ बैशाख ३० आइतबार
सिंहदरबार प्रवेशका लागि सोमबारदेखि इ–गेट पास प्रणाली सञ्चालनमा ल्याइएको छ।जसअनुसार अब सर्वसाधारणले सिंहदरबार प्रवेश गर्न अनलाइनबाटै पास प्राप्त गर्न सक्नेछन्।
सिंहदरबार पास डट जिओभी डट एनपीमा गएर पासका लागि अनुरोध गर्न सकिने र स्वीकृत भएपछि जारी हुने गृह मन्त्रालयले जनाएको छ।
सिंहदरबारको प्रवेश व्यवस्थापनलाई थप सहज र प्रविधिमैत्री बनाउन इ–गेट पास प्रणाली सञ्चालनमा ल्याइएको गृह मन्त्रालयका प्रवक्ता नारायणप्रसाद भट्टराईले बताए। परीक्षणपश्चात् सबै मन्त्रालय र निकायमा इ–गेट पास प्रणाली सञ्चालनमा ल्याइने गृह मन्त्रालयले जनाएको छ।
