- वि.सं २o८o जेठ ३१ बुधबार
काठमाडौं उपत्यकाका अग्ला ठाउँहरूमा पोखरी निर्माण गरिने भएको छ । सुविधासम्पन्न बागमती सभ्यता एकीकृत विकास समितिले पानी जम्मा गर्न मिल्ने सम्भाव्य ठाउँहरू खोजेर पोखरी निर्माण गर्ने योजना बनाएको हो ।
अग्ला स्थानमा पोखरी निर्माण गर्दा त्यसभन्दा मुनि रहेका होचा ठाउँहरूका पानीका स्रोत नसुक्ने, बागमती, धोबीखोला, विष्णुमतीलगायत सहायक खोला सरसफाइ गर्न र स्वच्छ वातावरण कायम राख्न सहज हुने भएकाले पोखरी निर्माणको योजना अघि बढाएको समितिका अध्यक्ष उद्धव तिम्सेनाले बताए । उनका अनुसार उपत्यकाका विभिन्न स्थानमा एक सय ९८ वटा पोखरी निर्माण गरिनेछ । पोखरीको पानीले बागमती र सहायक नदी सफा गर्न पनि मद्दत पुग्ने अनुमान गरिएको छ ।
यसरी निर्माण गरिएका पोखरीहरूमा बर्खा तथा हिउँदमा पनि पानी आउने मूलको पानी संकलन गरिनेछ । समितिले गुह्येश्वरीमाथि धाप पनि निर्माण गरिसकेको छ । यो योजना सम्पन्न गर्न समितिले सहरी विकास मन्त्रालय तथा उपत्यका विकास प्राधिकरणमा कार्ययोजना पेस गरिसकेको छ ।
