- वि.सं २०८० असोज १० बुधबार
राष्ट्रिय स्वतन्त्र पार्टीका सांसद सन्तोष परियारले सरकारले प्रस्तुत गरेको नीति तथा कार्यक्रम विगतको असफल कार्यक्रमहरूको निरन्तरता मात्रै भएको बताएका छन्।
सोमबार नयाँ बानेश्वरस्थित संघीय संसद् भवनमा सञ्चारकर्मीहरूसँग कुरा गर्दै उनले यस्तो टिप्पणी गरेका हुन्। नीति तथा कार्यक्रममाथि संसदमा सत्तापक्ष र प्रतिपक्षबीच जिम्मेवारपूर्ण बहस नभएको सांसद परियारले बताए।
‘नीति तथा कार्यक्रम विगतको असफल कार्यक्रमहरूको निरन्तरता मात्र हो। त्यसमा पनि यो खालको बहस, यसले असाध्यै कायापलट गर्नेखालको भन्ने सत्तापक्षीय बहस। अर्को यसले केही पनि गर्दैन, यो एउटा कर्मकाण्ड मात्रै हो भन्ने प्रतिपक्षको बहस। यो अलि जिम्मेवारपूर्ण भएन,’ उनले भने।
