सिन्दुर खेलेर ‘सुथसिया’ जात्रा

मध्यपुर थिमिका बासिन्दाले सुथसिया अर्थात् बिहानीको जात्रा हर्षोल्लासपूर्वक मनाएका छन् । जात्रामा उपस्थित हजारौँको भिडले टाउको, अनुहार र शरीर अबिरले रंग्याएर जात्रा मनाएका छन् ।

बिस्केट जात्राका अवसरमा मध्यपुर थिमिका बासिन्दाले शनिबार बिहानैदेखि टोल–टोलका देवता विराजमान खट जात्रा गरी बालकुमारी मन्दिर प्रांगणमा २६ देवी–देवता विराजमान खटलाई ल्याएर मन्दिरको परिक्रमा गराई धिमे, मुस्या बाजाको तालमा नाच्दै, अबिर छर्कँदै हर्षोल्लासका साथ सिन्दुर खेलेर सुथसिया जात्रा मनाएका हुन् ।