- वि.सं २o७९ माघ १ आइतबार
पोखरामा दुर्घटना भएको यती एयरलाइन्सको विमानमा ५३ नेपाली र १५ विदेशीसहित ६८ यात्रु सवार रहेका नागरिक उड्डयन प्राधिकरणले जनाएको छ।
विदेशी १५ जनामा भारतका पाँच, रुसका चार, कोरियाका दुई तथा आयरल्यान्ड, अस्ट्रेलिया, अर्जेन्टिना र फ्रान्सका एक–एकजना रहेका थिए। आज बिहान १०ः३२ बजे काठमाडौंबाट पोखराका लागि उडेको ९ एन–एएनसी एटिआर– ७२ कलसाइनको विमान दुर्घटना भएको हो ।
प्राधिकरणका अनुसार उक्त विमान दुर्घटनाअघि अन्तिमपटक १०ः५० बजे पोखरा टावरसँग सम्पर्कमा आएको थियो । विमानको चालक दलमा कमल केसी, अञ्जु खतिवडा, सिर्जना होंगचुन र ओसिन आलेमगर रहेका प्राधिकरणले जनाएकाे छ ।
