देउवा भेट्न धुम्बाराही जाँदै प्रधानमन्त्री प्रचण्ड

प्रधानमन्त्री पुष्पकमल दाहाल प्रचण्ड कांग्रेसका सभापति शेरबहादुर देउवालाई भेट्न धुम्बाराही जाने भएका छन्। भोलि प्रधानमन्त्री प्रचण्डले संसदमा विश्वासको मत लिँदै छन्।

देउवाको सचिवालयका अनुसार विश्वासको मतको लागि छलफल गर्न प्रधानमन्त्री प्रचण्ड देउवालाई भेट्न उनको निजीनिवास जान लागेका हुन्।

सोमबार दिउँसो माओवादी केन्द्रका अध्यक्षसमेत रहेका प्रचण्डले सिंगो 'हाउस'(संसद्)नै विश्वासको मतका पक्षमा उभिने बताएका थिए। शनिबार कांग्रेसको बसेको संसदीय दलको बैठकले प्रधानमन्त्री प्रचण्डलाई विश्वासको मत दिने, नदिने कुरा २६ पुसमै निर्क्योल हुने निर्णय गरेको थियो। कांग्रेसको संसदीय दलको अर्को बैठक भोलि बिहान ९ बजे बस्दै छ।