- वि.सं २o७९ पौष २० बुधबार
मेलम्चीको पानी वितरणका लागि काठमाडौं उपत्यका खानेपानी लिमिटेड (केयुकेएल) आयोजना कार्यान्वयन निर्देशनालयले दोस्रो चरणमा सात सय ९६ किमि वितरण सञ्जाल निर्माण गरिरहेको छ ।
बालुवाटार, स्वयम्भू, मण्डिखाटार र कपन क्षेत्रमा निर्माण भइरहेको सात सय ९६ किमि वितरण सञ्जालमध्ये चार सय २७ किमिको काम सकिएको निर्देशनालयका प्रवक्ता चन्द्रकुमार श्रेष्ठले बताए ।
बाँकी काम पनि चालू आर्थिक वर्षको अन्त्यसम्म सकिने उनको भनाइ छ । वितरण सञ्जालमा चारवटा निर्माण कम्पनीले काम गरिरहेका छन् ।
