- वि.सं २o७९ पौष १५ शुक्रबार
नेकपा एमालेका सचिव प्रदीप ज्ञवालीले एमाले नेता–कार्यकर्ताको भावनाविपरीत पार्टीले कुनै पनि निर्णय नगर्ने जनाएका छन्। शुक्रबार सामाजिक सञ्जाल फेसबुकमार्फत ज्ञवालीले बाहिर चलेको चर्चा र अनुमान अतिरञ्जना र हल्ला मात्रै भएकाले त्यसको पछि नलाग्न नेता–कार्यकर्तालाई आग्रह गरे ।
उनले एमाले मात्र सरकारको समर्थनको दायरा विस्तार गर्नमा सीमित रहेकाे उल्लेख गर्दै इतिहासका घटनालाई बिर्सन नसकिने उल्लेख गरे ।
उनले लेखेका छन्, ‘अहिले चलिरहेको छलफल सरकारको समर्थनको दायरा विस्तार गर्नमा सीमित छ । त्यसभन्दा बाहिर चलेका चर्चाफ अनुमान,अतिरञ्जना र हल्ला मात्र हुन् । पार्टीभित्र र बाहिरबाट सिर्जित भयानक घेराबन्दी तोडेर आन्दोलन यहाँसम्म आइपुगेको हो । संकटका वेला सतिसालझैँ उभिएका कमरेडहरूको भावनाविपरीत कुनै निर्णय हुनेछैन । इतिहासका केही घटना यस्ता हुन्छन्, जसलाई बिर्सन सकिँदैन, बिर्सन हुँदैन ।’
