- वि.सं २o८१ बैशाख २२ शनिबार
एमालेले समानुपातिकतर्फको नाम सच्याएर निर्वाचन आयोगमा पठाएको छ । निर्वाचन आयोगको पत्राचारअनुसार एमालेले सूची सच्याएर आज पठाएको हो ।
आयोगको समानुपातिक निर्वाचन प्रणालीका सहायक निर्वाचन अधिकृत सहसचिव यज्ञप्रसाद भट्टराईले आज दोस्रोपटक आयोगले पत्राचार गरेपछि एमालेले नाम सच्याएर पठाएको जानकारी दिए ।
यसअघि एमालेले प्राथमिकता क्रम मिचेर आयोगमा उम्मेदवारको अन्तिम सूची पेस गरेको थियो । त्यसपछि सच्याउन आयोगले समय सीमाभित्र दिए पनि सूची यथावत रहेको जवाफ पठाएको थियो ।
तर, आयोगले प्राथमिकता क्रमअनुसार नै उम्मेदवारको सूची सच्याउन आज केही घण्टाको समय दिएर पत्राचार गरेपछि आजै सच्याएर पठाएको हो ।
आयोगका अनुसार एमालेले प्रदेश १ सदस्यमा अल्पसंख्यकतर्फ लहरूमाया जिमीको सट्टा अल्पसंख्यकको प्राथमिकता क्रम ८ मा रहेकी यशोदा कायस्थको नाम कायम गर्न पत्राचार गरेको छ ।
यस्तै, मधेश प्रदेशमा प्राथमिकता क्रम १८ मा रहेका शीला यादवको सट्टा अल्पसंख्यकभित्रको प्राथमिकता क्रम संख्या ८ की राजपतीदेवी जयसवालको नाम कायम गर्न पत्राचार गरेको छ ।
यस्तै, मधेश प्रदेशकै ४० मा रहेकी नाजिमा खातुनको सट्टा क्रम संख्या १ का जैनव खातुनको नाम कायम गर्न पत्राचार गरेको छ ।
