- वि.सं २o७९ कार्तिक २९ मंगलबार
मंगलबार नेप्से परिसूचक सामान्य अंकले घटेको छ। सोमबार २१.२९ अंक बढेको नेप्से मंगलबार ६.५९ अंकले घटेर एक हजार ८९७.८६ बिन्दुमा झरेको हो। त्यस्तै, सेन्सेटिभ इन्डेक्स १.३३ अंकले घटेको छ भने फ्लोट इन्डेक्स ०.३१ अंक र सेन्सेटिभ इन्डेक्स ०.४० अंकले घटेको छ।
मंगलबार कारोबारमा आएका २२९ कम्पनीको २७ लाख ४५ हजार कित्ता सेयर एक अर्ब २ करोड ३६ लाख रुपैयाँबराबरमा खरिदबिक्री भएको छ। नेप्से परिसूचक घटे पनि कारोबार रकम भने बढेको छ। सोमबार ९४ करोडबराबरको सेयर कारोबार भएको थियो।
नेप्सेका १३ उपसमूहमध्ये ३ उपसमूहको परिसूचक बढेको छ भने बाँकी १० उपसमूहको परिसूचक घटेको छ। जसमा व्यापार, निर्जीवन बिमा र बैंकिङ उपसमूहको परिसूचक बढेको छ। यता उत्पादन तथा प्रशोधन, वित्त उपसमूहको परिसूचक घटेको छ।
मंगलबार सिटिजन्स म्युचुअल फन्ड १ को इकाइ मूल्य ४.५८ प्रतिशत बढेको छ। अन्य स्टकहरूको मूल्य वृद्धिदर भने ३ प्रतिशतभन्दा कम रहेको छ। तारागाउँ रिजेन्सी होटेलको शेयरमूल्य ८.५६ प्रतिशत घटेको छ। कारोबार रकमका आधारमा मंगलबार हिमालयन डिस्ट्रिलरीको ८ करोड २२ लाख रुपैयाँभन्दा बढीको सेयर खरिदबिक्री भएको छ।
