मोबाइललाई यसरी सुरक्षित राख्नुस्

• मोबाइल सेटअनुसार मिल्दो, सुहाउँदो र बलियो कभर प्रयोग गर्दा कतै खसिहाले पनि मोबाइल फुट्नबाट धेरै हदसम्म जोगिन्छ ।
• मोबाइलको स्क्रिनमा टेम्पर्ड ग्लास राख्नाले मोबाइलको स्क्रिन स्क्र्याच हुनबाट जोगाउँछ । मोबाइल खसिहाले पनि स्क्रिन फुट्नबाट जोगिन्छ । 
• पानी र चिसोका कारण मोबाइल बिग्रने गर्छ । अत्यधिक तातोले पनि समस्या निम्त्याउँछ । यसलाई स्टोभ, चिम्नी, चुलो तथा हिटरजस्ता उपकरणबाट टाढै राख्नुपर्छ । पसिना, पानी या अन्य तरल पदार्थले भिजेको हातले मोबाइल समाउने गर्न पनि हुँदैन । 
• मोबाइलको चार्ज १० प्रतिशतभन्दा तल हुन दिनुहुँदैन । यस्तो भएमा ब्याट्रीमा समस्या आउन सक्छ । त्यस्तै रातभर चार्ज गर्न पनि हुँदैन । ब्याट्री फुल भएपछि चार्ज अफ गर्नुपर्छ । 
• मोबाइल सफा गर्दा कहिल्यै पनि स्प्रे र पानीको प्रयोग नगर्नुस् ।