१९औँ एसियन खेलकुद प्रतियोगिता (एसियाड)अन्तर्गत छनोट खेलमा बिहीबार महिला ५१ केजी तौल समूहमा नेपाल आर्मी ‘ए’की मिनु गुरुङले वाकओभरका आधारमा फाइनल स्थान पक्का गरेकी छिन् । उनले नेपाल आर्मी ‘बी’की ललिता महर्जनबाट वाकओभर पाएकी हुन् ।
सोही तौल समूहमा नेपाल प्रहरीकी रिता धरलालाई एबिडीका आधारमा बागमती प्रदेशकी सुष्मा तामाङले पराजित गरेकी छिन् । ५७ केजी तौल समूहमा बागमतीकी हेमा राई नेपाल आर्मीकी खेलाडी चन्द्रकला थापामगरबाट वाकओभर पाएपछि फाइनलमा प्रवेश गरिन् । सोही तौल समूहमा नेपाल आर्मी ‘बी’की विमल श्रेष्ठले नेपाल प्रहरी ‘ए’की निशा तामाङलाई ५–० अंकको आधारमा हराइन् । ६० केजी तौल समूहमा बागमतीकी देचेन शेर्पाले एपिएफकी संगीता सुनुवारबाट वाकओभर पाइन् ।
पुरुषतर्फ ५२ केजी तौल समूहमा बागमतीका लक्ष्मण राईले नेपाल आर्मीका प्रेम चौधरीलाई वाकभोभर दिए । सोही तौल समूहमा नेपाल प्रहरीका चन्द्रबहादुर थापाले एपिएफका प्रदीप महर्जनलाई ४–१ अंकका आधारमा पराजित गरे । ५७ केजी तौल समूहमा एपिएफका पुरन राईले नेपाल आर्मीका इन्द्रबहादुर सुनारलाई ५–० का आधारमा हराए । सोही तौल समूहमा बागमतीका सुरज महर्जनले नेपाल प्रहरी ‘बी’का शम्भु राजवंशीलाई ५–० ले पाखा लगाए ।
