कांग्रेस–एमाले बालुवाटार वार्ता सकियो

बिहिबार, १२ फागुन, २०७८
डिजिटल संस्करण

सत्तारुढ दल कांग्रेस र प्रमुख प्रतिपक्षी दल एमालेबीच प्रधानमन्त्रीनिवास बालुवाटारमा भएको छलफल सकिएको छ । 

एमाले नेताहरू बाहिरिसकेका छन् भने कांग्रेस नेताहरू बाहिरिन बाँकी छ । 

कांग्रेस र एमालेबीच बिहीबार साँझ वार्ता भएको हो । बैठकमा कांग्रेसको तर्फबाट प्रधानमन्त्री तथा पार्टी सभापति शेरबहादुर देउवा, उपसभापति पूर्णबहादुर खड्का, महामन्त्री गगन थापा सहभागी थिए । एमालेबाट अध्यक्ष केपी ओली, वरिष्ठ उपाध्यक्ष ईश्वर पोखरेल, उपाध्यक्ष विष्णु पौडेल र सुवास नेम्वाङ सहभागी थिए ।

यसअघि संसद् भवनमा कांग्रेस र एमालेका शीर्ष नेताहरूबीच बिहीबार दिउँसो वार्ता भएको थियो ।

सुझावित समाचार