भोटेकोशी हुँदै त्रिशूली नदीमा आएको बाढीमा परेर मृत्यु हुनेको संख्या एक हजार नाघेको छ। राष्ट्रिय विपत् जोखिम न्यूनीकरण तथा व्यवस्थापन प्राधिकरणले साँझ ६ बजे सार्वजनिक गरेको विवरणअनुसार १०५० शव भेटिएको छ।
सबैभन्दा धेरै शव चितवनमा भेटिएको छ। चितवनमा ३२१, नवलपरासी पूर्वमा २१६, नवलपरासी पश्चिममा १७० र नुवाकोटमा १४२ वटा शव भेटिएको छ। यसैगरी, गोरखामा ६५, धादिङमा ५७, रसुवामा ४१ र तनहुँमा ३८ शव भेटिएको छ।
प्राधिकरणका अनुसार हालसम्म करिब तीन हजार ९१६ जना सम्पर्कविहीन छन्। त्यसमध्ये नुवाकोटबाट करिब १५५८ र रसुवाबाट ८६५ जना हराइरहेका छन्।
जलविद्युत् आयोजनाबाट करिब ६३९, विदेशी नागरिक ५८३, विदेशी पर्यटकसँगै घुम्न गएका नेपाली १६४ जना सम्पर्कविहीन रहेका तथ्यांकमा उल्लेख छ।
See More On
