ब्रोड पिक हिमपहिरोमा ज्यान गुमाएका थप तीन नेपालीको शव स्वदेश ल्याइयो

पाकिस्तानको ‘ब्रोड पिक’को हिमपहिरोमा परी ज्यान गुमाएका तीन नेपाली नागरिकको शव स्वदेश ल्याइएको छ। 

यही साउन १४ गते हिम पहिरोमा परी निधन भएका किली पेम्बा शेर्पा ‘किलु’, ग्यालु शेर्पा र निमा शेर्पाको शव कतार एयरवेजको उडानमार्फत मंगलबार काठमाडौं ल्याइएको हो।

उक्त दुर्घटनामा निधन भएका पुरबहादुर गुरुङ ‘युक्त’को शव साउन २१ गते नेपाल ल्याइसकिएको छ। दुर्घटनास्थलबाट एक नेपाली, एक पाकिस्तानी र एक अमेरिकी आरोही गरी तीनजनाको शव फिर्ता ल्याउन बाँकी रहेको बताइएको छ।