विदेशबाट फर्कनेलाई प्रहरीको अनुरोध– अरूको सामान नबोक्नुहोला

विदेशबाट फर्कने क्रममा अपरिचित व्यक्तिले दिएको झोला नबोक्न प्रहरीले आग्रह गरेको छ। त्रिभुवन अन्तर्राष्ट्रिय विमानस्थल सुरक्षा कार्यालयले मंगलबार सूचना निकाल्दै त्यस्ता झोलाभित्र तस्करीको सुन तथा अवैध सामान हुन सक्ने भएकाले सचेत रहन भनेको हो। 

अरूको सामान बोकेर आउनेहरू बारम्बार अवैध सुनलगायत सामानसहित पक्राउ परेपछि यस्तो अनुरोध गरिएको प्रहरीले जनाएको छ।