नेपाली कांग्रेसका सांसद निस्कल राईले सभामुखले रुरिङ गरेर प्रधानमन्त्रीलाई सदनमा बोलाउन आग्रह गरेका छन्।बुधबारको प्रतिनिधि सभा बैठकमा बोल्दै सांसद राईले सोमबार राष्ट्रपतिले नीति तथा कार्यक्रम पढ्दै गर्दा निस्किएका प्रधानमन्त्री मंगलबार र बुधबार किन सदनमा देखा परेनन् ? भनेर प्रश्न गरे ।
आफैँले बनाएको नीति तथा कार्यक्रममाथि उठेका प्रश्नको जवाफ दिने कार्यसूचीको दिन पनि प्रधानमन्त्रीलाई सदनमा नदेखिनु लज्जास्पद भएको भन्दै उनले सभाको गरिमा र इज्जत बढाउने काम सभामुखको भएकाले प्रधानमन्त्रीलाई बोलाउन आग्रह गरे।
उनले भने,‘ सभामुखज्यू ! यो सभाको इज्जत राख्ने काम तपाईंको हो । तपाईंले पनि इज्जत र गरिमा राख्न सक्नु भएन भने कसैले सक्दैन। तपाईं यो सभाको नायक हो। त्यसैले प्रधानमन्त्रीलाई रुलिङ गरेर बोलाउनुहोस् र सभाको गरिमा बढाउनुहोस् ।’