मेष (चु, चे, चो, ला, लि, लु, ले, लो, अ) यो वर्ष मेष राशिका जातकहरूका लागि मिश्रित, तर समग्रमा फलदायी रहने संकेत देखिन्छ। विशेषतः कात्तिकदेखि माघसम्म वृहस्पतिको शुभ प्रभाव रहनाले सुख–सुविधा प्राप्त हुने, अचानक धनलाभका अवसर मिल्ने तथा यश–कीर्ति वृद्धि हुने सम्भावना बलियो छ। यस अवधिमा सामाजिक प्रतिष्ठा बढ्नुका साथै नयाँ अवसरहरू पनि प्राप्त हुनेछन्। माघपछिका दिनहरूमा स्वास्थ्यमा केही समस्या, मनमा डर–त्रास, अनावश्यक चिन्ता, धनहानि तथा खर्च वृद्धि हुन सक्ने देखिन्छ। यसले मानसिक दबाबसमेत बढाउन सक्छ। शनि साढेसातीको प्रभाव र मंसिरपछि राहुको अशुभ स्थितिका कारण झुटा आरोप लाग्ने, मन अशान्त रहने, आफन्तजनसँग वैरभाव बढ्ने तथा सरकारी वा कानुनी झमेलामा फस्ने सम्भावना देखिन्छ। त्यसैले यस वर्ष शनिदेव, राहु र केतुको शान्तिपूजा वा जप गर्नु विशेष लाभदायी रहनेछ। वर्षभरि साढेसाती शनिको प्रभाव रहने भएकाले केही समय मनमा डर, चिन्ता, जिम्मेवारीको भार तथा कार्यमा ढिलासुस्तीको अनुभव हुन सक्छ। शत्रु वा विरोधी पक्षबाट साना–साना अवरोध देखापरे पनि अन्ततः परिणाम तपाईंको पक्षमा नै आउनेछ। धैर्य, संयम र निरन्तर प्रयासले कठिन अवस्थालाई पनि अनुकूल बनाउन सकिनेछ। यद्यपि, मंसिरसम्म राहुको शुभ प्रभाव रहँदा रोजगारी प्राप्ति, सुख–सुविधामा वृद्धि तथा नयाँ कामको सफल थालनी हुने योग छ। वैदेशिक क्षेत्रसँग सम्बन्धित काममा केही ढिलाइ वा अधुरोपन रहन सक्छ, त्यसैले धैर्यता अपनाउनु उपयुक्त हुनेछ। आर्थिक दृष्टिले असार, असोज, माघ र फागुन महिना विशेष शुभ रहने देखिन्छ। यी महिनामा लगानी, व्यवसाय विस्तार तथा नयाँ आर्थिक योजना अघि बढाउँदा राम्रो प्रतिफल प्राप्त हुन सक्छ।
वृष (इ, उ, ए, ओ, बा, बि, बु, बे, बो) यो वर्ष वृष राशि हुनेहरूका लागि समग्रमा उन्नतिदायी र उपलब्धिमूलक रहने संकेत देखिन्छ। वर्षारम्भमै वृहस्पतिको शुभ प्रभावले आर्थिक प्रगति, कुटुम्ब वृद्धि तथा वाणीको प्रभावका कारण महत्त्वपूर्ण कार्यहरू सफल हुनेछन्। असारदेखि कात्तिकसम्म स्वास्थ्यमा केही कमजोरी देखिए पनि मंसिरदेखि भूमि तथा वाहन प्राप्तिको योग बलियो रहेको छ। शनिको अनुकूलताले आम्दानीमा वृद्धि तथा नयाँ कार्यको शुभारम्भ हुनुका साथै मान–सम्मान प्राप्ति गराउने ग्रहयाेग परेकाे छ । राहु र केतुको प्रभावले वर्षको पूर्वार्धमा मन अलि अस्थिर भई अनावश्यक झमेलातर्फ आकर्षण हुन सक्छ, जसका कारण स्वास्थ्यमा बाधा तथा मानसिक तनाव देखिन सक्छ, विशेष सावधानी अपनाउनुपर्ने देखिन्छ । वर्षकाे उत्तरार्धबाट भने आर्थिक उन्नतिका साथै कार्यसफलता प्राप्तिका याेग बनिरहनेछन् । यो वर्ष वैदेशिक यात्रासम्बन्धी कार्य, पशुपालन तथा व्यावसायिक क्षेत्रमा विशेष लाभ मिल्नेछ। पठनपाठनको अवस्था राम्रो रहनेछ भने परिवारमा मांगलिक तथा शुभकार्यहरू सम्पन्न हुने योग छन् । विशेषगरी साउन, कात्तिक, फागुन र चैत महिना आर्थिक दृष्टिले अत्यन्त शुभ रहनेछन्।
मिथुन (का, कि, कु, घ, ङ, छ, के, को, ह) मिथुन राशि हुनेहरूका लागि यो वर्ष मध्यम फलदायी रहने देखिन्छ। वृहस्पतिको शुभ प्रभावका कारण वर्षको पूर्वार्धमा आर्थिक उन्नति, आयआर्जनमा वृद्धि तथा परिवारमा मांगलिक कार्यहरू सम्पन्न हुने योग बलियो रहेकाे छ । राहु तथा केतुको प्रभावका कारण मंसिरसम्म जीवन केही संघर्षमय रहन सक्छ। कार्यमा अवरोध, मानसिक दबाब तथा अपेक्षित परिणाम प्राप्त गर्न बढी मिहिनेत गर्नुपर्ने अवस्था आउने ग्रहयाेग परेकाे छ । मंसिरपछि आम्दानीका स्रोतहरू बिस्तारै बढ्दै जानेछन् र आर्थिक अवस्था पनि क्रमशः सुदृढ बन्नेछ। शनिको प्रभावले यो वर्ष पेसागत क्षेत्रमा विभिन्न समस्या र चुनौतीहरू सामना गर्नुपर्ने संकेत गरेकाे छ । जागिर वा व्यवसायमा अनावश्यक दबाब, आलोचना तथा सहकर्मीबाट खुट्टा तान्ने प्रवृत्तिका कारण मन खिन्न हुन सक्छ। तथापि, सामाजिक क्षेत्रबाट भने मान–सम्मान र प्रतिष्ठा प्राप्त हुने योग राम्रो रहेको छ। वर्षको पूर्वार्धमा पठनपाठन राम्रो रहने भए पनि उत्तरार्धमा केही कमजोरी देखिन सक्छ। अध्ययनमा निरन्तरता र एकाग्रता कायम राख्न विशेष ध्यान दिनु उचित हुनेछ। आर्थिक दृष्टिले वैशाख, भदौ, मंसिर र चैत महिना विशेष शुभ रहनेछन्
कर्कट (हि, हु, हे, हो, डा, डि, डु, डे, डो) कर्कट राशि हुनेहरूका लागि यो वर्ष मध्यमदेखि शुभ फलदायी रहने संकेत देखिन्छ। वर्षको प्रारम्भमा केही मानसिक तनाव, अनावश्यक खर्च, ऋणभार तथा पारिवारिक मतभेद देखा पर्न सक्ने सम्भावना छ। तर, वर्षको मध्य भागदेखि आर्थिक उन्नति, पेसा–व्यवसायमा प्रगति, रोकिएका काम पूरा हुने तथा मान–सम्मान बढ्ने योग बलियो देखिन्छ। जग्गा–जमिन, घर–गाडी, निर्माण, शिक्षा, परामर्श, सेवा तथा व्यापार क्षेत्रमा नयाँ अवसर प्राप्त हुन सक्छ। वैदेशिक काम, यात्राबाट लाभ तथा नयाँ सम्बन्ध विस्तार हुने सम्भावना पनि राम्रो छ।पारिवारिक जीवनमा सुरुका दिनमा केही असमझदारी भए पनि पछि सम्बन्धमा सुधार, सुख–शान्ति र सहयोग बढ्नेछ। प्रेम सम्बन्ध तथा दाम्पत्य जीवनमा धैर्य अपनाएमा राम्रो परिणाम मिल्नेछ। स्वास्थ्यतर्फ पेट, छाती, रगतचाप, निद्रा तथा मानसिक चिन्तासम्बन्धी समस्या देखिन सक्ने भएकाले खानपान र विश्राममा विशेष ध्यान दिनु उपयुक्त हुन्छ। समग्रमा, धैर्य, संयम र योजनाबद्ध प्रयासले यो वर्ष कर्कट राशिका लागि उपलब्धिमूलक बन्नेछ। यो वर्ष वैदेशिक क्षेत्र, व्यापार–व्यवसाय तथा बाह्य सम्बन्धबाट लाभ मिल्ने सम्भावना राम्रो छ। शिक्षा क्षेत्र भने मध्यम गतिमा अघि बढ्ने देखिन्छ, त्यसैले निरन्तर प्रयास आवश्यक रहनेछ। आर्थिक दृष्टिले वैशाख, जेठ, असोज र पुस महिना विशेष शुभ रहनेछन्।
सिंह (मा, मि, मु, मे, मो, टा, टि, टु, टे) सिंह राशि हुनेहरूका लागि यो वर्ष सामान्य फलदायी रहने देखिन्छ। विशेषतः वैदेशिक क्षेत्रसँग सम्बन्धित कामहरू सफल हुनुका साथै नयाँ अवसर प्राप्त हुने तथा आर्थिक लाभ मिल्ने योग रहेको छ। वर्षको पूर्वार्धमा पठनपाठनमा खास रुचि नदेखिए पनि उत्तरार्धमा शिक्षा, अध्ययन र बौद्धिक कार्यमा उल्लेखनीय सुधार आउनेछ। यो वर्ष वृहस्पति, शनि, राहु र केतुको मिश्रित अशुभ प्रभावका कारण स्वास्थ्य समस्या, झुटा आरोप, कानुनी वा सामाजिक बन्धन, धनहानि, शत्रु वृद्धि तथा मानसिक तनावजस्ता चुनौती देखिन सक्छन्। त्यसैले शुभफल वृद्धिका लागि ग्रहशान्ति, जप, दान तथा धार्मिक कार्य गर्नु हितकर रहनेछ। वर्षको उत्तरार्धमा राहु–केतुको प्रभाव अनुकूल बन्दै जाने भएकाले केही राहत र सहजता मिल्ने संकेत छ। यो वर्ष व्यापार, पशुपालन तथा कृषिसम्बन्धी व्यवसायबाट राम्रो आम्दानी हुने संकेत बलियो छ। वर्षभरि अढैया शनिको दशा चलिरहने भएकाले केही समयमा मनमा डर, चिन्ता, जिम्मेवारीको भार र कार्यमा ढिलासुस्तीको अनुभव हुन सक्छ। शत्रु वा विरोधी पक्षबाट साना अवरोध देखिए पनि अन्ततः तपाईंको पक्षमा परिणाम आउनेछ। विशेष उपाय : शनिको व्रत–उपासना गर्नु, शनिदेवलाई तेल अर्पण गर्नु, पीपलको पूजा गर्नु तथा महाकाल–मृत्युञ्जय मन्त्रको नियमित पाठ गर्नु अत्यन्त शुभ रहनेछ। यसले अशुभ ग्रहप्रभाव कम गरी साहस, धैर्य र सफलता बढाउनेछ। आर्थिक दृष्टिले जेठ, असार, मंसिर र माघ महिना विशेष शुभ रहनेछन्। समग्रमा, संयम, धैर्य र सही समयमा सही निर्णयले सिंह राशिका लागि यो वर्ष संघर्षबिच उपलब्धिमूलक बन्नेछ।
कन्या (टो, प, पि, पु, ष, ण, ठ, पे, पो) यो वर्ष कन्या राशिका जातकका लागि समग्रमा उन्नति, आम्दानी वृद्धि र उपलब्धिको वर्ष रहने संकेत देखिन्छ। वर्षारम्भमा गुरु शुभभावमा रहने भएकाले केही महिनासम्म प्रशस्त धनलाभ, आम्दानीका नयाँ स्रोत विस्तार तथा रोकिएका कामहरू सम्पन्न हुनेछन्। परिवारमा मांगलिक कार्य, शुभसमाचार र नयाँ कामको थालनी हुने योग बलियो छ। वर्षको मध्यभागतिर भने अनावश्यक झमेला, शत्रु बाधा, खर्च वृद्धि तथा मानसिक तनाव बढ्न सक्छ। मंसिरसम्म राहु अनुकूल रहने भएकाले प्रतिस्पर्धी वा शत्रुमाथि विजय प्राप्त गर्दै आफ्नो प्रभाव बढाउन सकिनेछ। यस अवधिमा आम्दानीका थप अवसरहरू खुल्नेछन्। तर, मंसिरपछि खर्च बढ्ने, स्वास्थ्यमा कमजोरी आउने तथा विरोधीहरू सक्रिय हुने सम्भावना देखिन्छ। वैदेशिक क्षेत्रमा काम अधुरै रहने देखिन्छ । आर्थिक दृष्टिले असार, असोज, माघ र फागुन महिना शुभ रहनेछन् ।
तुला (र, रि, रु, रे, रो, ता, ति, तु, ते) यो वर्ष तुला राशिका जातकका लागि मध्यम फलदायी रहने संकेत देखिन्छ। वृहस्पतिको अनुकूल प्रभावले सुख, नोकरी प्राप्ति, सामाजिक क्षेत्रबाट मान–सम्मान तथा प्रतिष्ठा प्राप्त हुने योग छ। वर्षको मध्यभागका केही महिनामा भने आर्थिक संकट, खर्च वृद्धि तथा मानसिक दबाब बढ्न सक्छ। शनिको शुभ प्रभावले धनलाभ, कार्यक्षेत्रमा स्थिरता र प्रयासअनुसार सफलता दिलाउनेछ। तर, राहु–केतुको प्रभावका कारण पुर्ख्याैली सम्पत्तिमा विवाद, पारिवारिक समस्या तथा नोकरीमा आलोचना वा अवमूल्यन सहनुपर्ने अवस्था आउन सक्छ। त्यसैले राहु–केतुको शान्तिकर्म वा धार्मिक उपाय गर्नु लाभदायक रहनेछ। वैदेशिक क्षेत्रसँग सम्बन्धित कामहरूमा सफलता मिल्ने योग बलियो छ। विदेश यात्रा, वैदेशिक रोजगारी, अध्ययन वा व्यापारसँग सम्बन्धित योजना सफल हुन सक्छन्।आर्थिक दृष्टिले साउन, भदौ, पुस र चैत महिना विशेष शुभ रहनेछन्। यी महिनामा लगानी, नयाँ योजना, व्यापार विस्तार तथा धन सञ्चय गर्न उपयुक्त समय रहनेछ। समग्रमा यो वर्ष तुला राशिका लागि सुख–समृद्धि र उपलब्धिसँगै केही पारिवारिक तथा आर्थिक चुनौती पनि लिएर आउनेछ। धैर्य, विवेकपूर्ण निर्णय र ग्रहशान्तिको उपाय अपनाएमा वर्षलाई अझ सफल बनाउन सकिनेछ।
वृश्चिक (तो, ना, नि, नु, ने, नो, या, यि, यु) मध्यम फलदायी वर्ष रहेको छ। वृहस्पति शुभ रहनाले पठनपाठन राम्रो रहनेछ। धार्मिक तथा तीर्थस्थलहरूको यात्रा हुने सम्भावना छ। मांगलिक कार्यहरूमा अधिक समय व्यतीत हुनेछ। वर्षको मध्यभागमा केही आर्थिक संकटको सामना गर्नुपर्ने देखिन्छ। शनि अशुभ रहनाले आर्थिक समस्याले चिन्ता थप्नेछ। सन्तानसम्बन्धी चिन्ताले समेत सताउन सक्छ। राहु र केतुका कारण जग्गा–जमिन तथा सवारीसाधनसम्बन्धी विवाद हुने सम्भावना छ। नोकरीमा थुप्रै अपजस व्यहोर्नुपर्ने देखिन्छ। मासिक फल यसप्रकार छन्: वैशाखमा शत्रुनाश भई सुखको अनुभव हुनेछ। जेठमा यात्राहरू तथा आर्थिक क्षति हुने सम्भावना छ। असारमा स्वास्थ्य समस्याले सताउन सक्छ। साउनमा पापकर्मका कारण मान–प्रतिष्ठामा बाधा पर्नेछ। भदौमा काम बन्नेछ र समस्याहरू समाधान हुनेछन्। असोजमा धनलाभ र सुख वृद्धि हुनेछ। कात्तिकमा धननाश र पीडा हुन सक्छ। मंसिरमा स्थान परिवर्तनको योग छ। पुसमा व्यवसायमा हानि हुन सक्छ। माघमा ऋणको भय र मानहानि हुने सम्भावना छ। फागुनमा आर्थिक संकट देखिन्छ भने चैतमा सुख–समृद्धि प्राप्त हुनेछ। वैदेशिक क्षेत्रका कामहरूमा समस्या आउन सक्छ। पशुपालन व्यवसाय र कृषिबाट राम्रो लाभ हुनेछ। नोकरीमा मान–सम्मान वृद्धि हुनेछ। आर्थिक दृष्टिले वैशाख, भदौ, असोज र माघ महिना शुभ रहनेछन् ।
धनु (ये, यो, भ, भि, भु, ध, फा, ढ, भे) सामान्य फलदायी वर्ष रहने देखिन्छ। वर्षको मध्य भागमा गुरु ग्रह शुभ रहनाले मांगलिक कार्यहरू सम्पन्न हुनेछन्। धार्मिक तथा तीर्थस्थलहरूको यात्रा हुने सम्भावना छ। नयाँ कामको थालनी हुने योग पनि रहेको छ। तर, अधिकांश ग्रहहरू अशुभ प्रभावमा रहने भएकाले जग्गा–जमिन तथा पुर्ख्याैली सम्पत्तिमा विवाद उत्पन्न हुन सक्छ। मानसिक तनाव बढ्ने, आफन्तसँग वैरभाव हुने तथा आर्थिक संकटको सामना गर्नुपर्ने अवस्था देखिन्छ। यस्ता अशुभ प्रभाव कम गर्न ग्रह शान्ति गर्नु उपयुक्त हुनेछ। वैदेशिक यात्राका कार्यहरू बन्नेछन्। नोकरी तथा व्यापारबाट राम्रै लाभ प्राप्त हुनेछ। शिक्षा क्षेत्रमा सुधार देखिनेछ। वैदेशिक यात्राका कार्यहरू बन्नेछन्। नोकरी तथा व्यापारबाट राम्रै लाभ प्राप्त हुनेछ। शिक्षा क्षेत्रमा सुधार देखिनेछ। धार्मिक तीर्थस्थानको यात्रा हुनेछ । नयाँ कामको थालनी हुनेछ । वर्षभरि अढैया शनिको दशा चलिरहने भएकाले केही समयमा मनमा डर, चिन्ता, जिम्मेवारीको भार र कार्यमा ढिलासुस्तीको अनुभव हुन सक्छ। शत्रु वा विरोधी पक्षबाट साना अवरोध देखिए पनि अन्ततः तपाईंको पक्षमा परिणाम आउनेछ। विशेष उपाय : शनिको व्रत–उपासना गर्नु, शनिदेवलाई तेल अर्पण गर्नु, पीपलको पूजा गर्नु तथा महाकाल–मृत्युञ्जय मन्त्रको नियमित पाठ गर्नु अत्यन्त शुभ रहनेछ। यसले अशुभ ग्रहप्रभाव कम गरी साहस, धैर्य र सफलता बढाउनेछ। अधिकांश ग्रहहरू अशुभ फलदायी रहनाले जग्गाजमिन आदि पुर्ख्याैली सम्पत्तिमा विवाद हुनेछ ।आर्थिक दृष्टिकोणले शुभ महिना जेठ, असोज, कात्तिक र फागुन महिना विशेष रूपमा आर्थिक दृष्टिले अनुकूल रहनेछन्।
मकर (भो, ज, जि, खि, खु, खे, खो, गा, गि) शुभ समय रहेको छ। यो वर्ष वृहस्पति शुभ फलदायी रहने भएकाले आम्दानीका स्रोतहरू बढ्नेछन्। नोकरी र सामाजिक क्षेत्रमा मान–सम्मान प्राप्त हुनेछ। वर्षको मध्य भागमा केही अशुभ घटनाले चिन्ता बढाउन सक्छ। शनि शुभ रहनाले गुमेको धन फिर्ता हुने तथा सम्पत्तिसमेत वृद्धि हुने सम्भावना छ। जोस र ऊर्जा बढ्नेछ, साथै वैदेशिक रोजगारबाट राम्रो लाभ मिल्नेछ।वैदेशिक रोजगारबाट राम्रै लाभ हुनेछ । वैशाखमा रोग भय र मानहानि, जेठमा धननाश र चिन्ता, असारमा शत्रुनाश र सुख साउनमा लामो यात्रा र खर्च वृद्धि, भदाैमा पारिवारिक समस्याबाट चिन्ता, असोजमा मानसम्मानमा असर, कात्तिकमा कर्म सिद्धि र सुख, मंसिरमा धनलाभ र सुख, पुसमा पीडा भए र अशान्ति, माघमा स्थाननाश र यात्रा, फागुनमा मानहानि र भय र चैतमा धनलाभको योग रहेको छ । वैदेशिक रोजगार तथा विदेशसँग सम्बन्धित कार्यहरूबाट राम्रो लाभ प्राप्त हुने योग रहेको छ। ऊर्जा, आत्मविश्वास वृद्धि हुनेछ। वर्षको मध्यभागमा केही चुनौती र अशान्ति आउन सक्छ, तर धैर्य राखेमा ती समस्या समाधान हुनेछन्। आर्थिक दृष्टिले असार, कात्तिक, मंसिर र चैत महिना शुभ रहेका छ्न् ।
कुम्भ (गु, गे, गो, सा, सि, सु, से, सो, द) सामान्य वर्ष रहनेछ। वर्षको मध्यभागतिर गुरु अनुकूल रहनाले धनलाभ हुने, मानसम्मान प्राप्त हुने र पदोन्नति हुने देखिन्छ। शत्रुहरू वर्षको पूर्वार्धमा पराजित हुनेछन्। शनि, राहु, केतु र गुरु अधिकांश समय अशुभ फलदायी रहने भएकाले झुट्टा आरोप लाग्ने, मनमा अशान्ति हुने, आलस्य बढ्ने, शत्रु वृद्धि हुने, सञ्चित धनको नाश हुने तथा आफन्तसँग वैरभाव बढ्नेजस्ता अशुभ फल प्राप्त हुन सक्छन्। त्यसैले ग्रह शान्तिका लागि आवश्यक कर्म गर्नुपर्ने देखिन्छ। महिनागत रूपमा: वैशाखमा स्वास्थ्य समस्या र धनलाभ, जेठमा मानहानि र कष्ट, असारमा शत्रु नाश र सुख प्राप्ति, साउनमा अनावश्यक खर्च वृद्धि, भदाैमा पारिवारिक चिन्ता र स्वास्थ्य समस्या, असोजमा पापकर्मका कारण मानहानि, कात्तिकमा कामहरू सम्पन्न हुने, मंसिरमा धनलाभ, पुसमा धनलाभ, माघमा स्थान परिवर्तन, फागुनमा व्यापार–व्यवसायमा हानि र चैतमा सुख वृद्धि हुने देखिन्छ। वर्षभरि साढेसाती शनिको प्रभाव रहने भएकाले केही समय मनमा डर, चिन्ता, जिम्मेवारीको भार तथा कार्यमा ढिलासुस्तीको अनुभव हुन सक्छ। शत्रु वा विरोधी पक्षबाट साना–साना अवरोध देखा परे पनि अन्ततः परिणाम तपाईंको पक्षमा नै आउनेछ। धैर्य, संयम र निरन्तर प्रयासले कठिन अवस्थालाई पनि अनुकूल बनाउन सकिनेछ। आर्थिक दृष्टिले वैशाख, साउन, मंसिर र पुस महिना शुभ रहनेछन्।
मीन (दि, दु, थ, झ, ञ, दे, दो, च, चि) मिश्रित फलदायी वर्ष रहनेछ। यस वर्ष वृहस्पतिको अनुकूलताले अध्ययन–अध्यापन कार्य सफल रहनेछ। पारिवारिक जीवनमा मांगलिक कार्य सम्पन्न हुने योग देखिन्छ। सन्तान सुख प्राप्त हुनेछ। वर्षको मार्गसम्म राहुको अनुकूल प्रभावले नयाँ कामको थालनी तथा नोकरी प्राप्तिको सम्भावना बलियो रहनेछ। आम्दानीका स्रोतहरू विस्तार हुनेछन्। तर, मंसिरपछि भने केही समय झमेलामा फस्ने, अनावश्यक खर्च बढ्ने तथा मानसिक तनाव बढ्ने सम्भावना देखिन्छ। नोकरी तथा सेवाक्षेत्रबाट मान–सम्मान प्राप्त हुनेछ। वैदेशिक व्यापार तथा रोजगारीबाट पनि राम्रो आम्दानी हुने योग छ। शनि (साढेसाती) को नकारात्मक प्रभावबाट जोगिन ग्रहशान्ति तथा धार्मिक कर्म गर्नु उपयुक्त हुनेछ। घर–परिवारमा मांगलिक कार्य, शुभ समारोह वा नयाँ सदस्य आगमनको योग देखिन्छ। दाम्पत्यजीवनमा समझदारी बढ्नेछ। सन्तान पक्षबाट सुखद समाचार प्राप्त हुनेछ। सन्तानको प्रगति वा उपलब्धिले मन प्रसन्न बनाउनेछ। वर्षभरि साढेसाती शनिको प्रभाव रहने भएकाले केही समय मनमा डर, चिन्ता, जिम्मेवारीको भार तथा कार्यमा ढिलासुस्तीको अनुभव हुन सक्छ। शत्रु वा विरोधी पक्षबाट साना–साना अवरोध देखापरे पनि अन्ततः परिणाम तपाईंको पक्षमा नै आउनेछ। धैर्य, संयम र निरन्तर प्रयासले कठिन अवस्थालाई पनि अनुकूल बनाउन सकिनेछ। आर्थिक दृष्टिले जेठ, भदौ, पुस र माघ महिना विशेष रूपमा शुभ रहनेछन्।
ज्याेतिष तथा वास्तुविद् सुरेशचन्द्र रिजाल दक्षिण एसियाली ज्याेतिष महासंघ नेपालका पूर्वमहासचिव हुन् ।