माध्यमिक शिक्षा परीक्षा (एसइई)को उत्तरपुस्तिका परीक्षा लिइएकै दिन परीक्षण सुरु गरिएको छ । एक महिनाभित्र नतिजा सार्वजनिक गर्ने योजनाअनुसार परीक्षा दिएकै दिन उत्तरपुस्तिका परीक्षण सुरु गरिएको हो ।
राष्ट्रिय परीक्षा बोर्डका अनुसार उत्तर पुस्तिका सम्बन्धित केन्द्रमै परीक्षण गरिएका छन् । परीक्षा बिहीबारबाट सुरु भएको छ । पहिलो दिन देशका सबै केन्द्रमा अनिवार्य अंग्रेजी विषयको परीक्षा भएको थियो । उक्त विषयको उत्तरपुस्तिका मंगलबार नै परीक्षण गरिएको छ । बोर्डका डेपुटी कन्ट्रोलर विष्णु ज्ञवालीले परीक्षा सकिएलगत्तै सोहि केन्द्रमा माध्यमिक तहका शिक्षकले कापी परीक्षण गरेको बताए ।
उनले भने,‘हरेक केन्द्रमा परीक्षा सकिनाथ परीक्षण हुन्छ । तीन घन्टाजतिमा सकिन्छ । तर, आफ्ना विद्यार्थीको कपि सम्बन्धित विद्यालयका शिक्षकले जाच्नुहुन्न । हामीले केन्द्र नै विद्यालय साटेर राखेका छौ ।’कन्ट्रोलन ज्ञवालीका अनुसार परीक्षा र कापी परीक्षण एकैदिन अर्थात २९ चैतमा सकिनेछ । त्यसपछि तथ्यांक अध्यावधिक र रिजल्टको तयारी गरिनेछ । यसो हुदा एक महिनाभित्रमा नजिता प्रकाशन भैसक्ने छ । विहिबारदेखि सुरु भएको यसवर्षको एसईईमा पाँच लाख नौ हजार ९५१ विद्यार्थी परीक्षामा सहभागी छन् । यसमध्ये दुई लाख ५७ हजार ५२७ छात्रा र दुई लाख ५२ हजार ४३४ छात्र सहभागी छन्। देशभर १९ सय ९१ परीक्षा केन्द्र मा परीक्षा र कापी परीक्षण भैरहेको छ ।
राष्ट्रिय परीक्षा बोर्डका डेपुटी कन्ट्रोलर विष्णु ज्ञवालीले परीक्षा सकिएलगत्तै
सोही केन्द्रमा माध्यमिक तहका शिक्षकले कापी परीक्षण सुरु गरेको बताए । उनले भने, ‘हरेक केन्द्रमा परीक्षा सकिनासाथ परीक्षण हुन्छ । तीन घण्टाजतिमा सकिन्छ । तर, आफ्ना विद्यार्थीको कपी सम्बन्धित विद्यालयका शिक्षकले जाँच्नुहुन्न । हामीले केन्द्र नै विद्यालय साटेर राखेका छौँ ।’
