नवनियुक्त गृहमन्त्री सुदन गुरुङले भिआइपी लावालस्कर लगाएर जनतालाई दुःख दिन नहुने बताएका छन् । पदभार ग्रहणपछि मन्त्रालयबाट निस्कने क्रममा उनले आफैँ गाडी चलाएर हिँड्दै गर्दा उनले आफू कम बोल्ने र एक्सनमा जाने उल्लेख गरे। उनले जेन–जीको मागअनुसार आफूहरू आएको र सुशासनविरुद्धका कुनै काम हुन नसक्ने उल्लेख गरे ।
उनले पदभार ग्रहण गर्दै सबै कामहरू एकद्वार प्रणालीबाट अघि बढाउने निर्णय गरेका छन् । गुनासा नआउने गरी सर्भिस डेलिभरी गर्न कर्मचारीहरूलाई निर्देशन दिए ।